एका फ्लॅटवर श्री गजानन महाराज यांचे मंदिर उभारण्यात आलेले आहे . मंदिराची रचना शेगाव येतील श्री गजानन महाराज गजानन मंदिरासारखी मिळती - जुळती आहे . मंदिरात प्रवेश करताच वरच्या भागामध्ये श्री गणपती, श्रीराम, लक्ष्मण, सीतामाई,  अष्टभुजा देवी व दक्षिणमुखी दास मारुती या मूर्तींची स्थापना करण्यात आलेली आहे . तळघरात श्री गजानन महाराज ह्यांच्या मूर्तीची स्थापना  करण्यात आलेली आहे .

 

मूर्तीसमोर ध्यानगृह आहे . ध्यानगृहांत महाराजांची गादी आहे . भाविकांना एकांतात ध्यानधारणा , जप , पोथीवाचन करता यावे , यासाठी संस्थेने ध्यानगृहाचे  आयोजन केलेले आहे.  मंदिरात शेगाव प्रमाणे सकाळी सनई - चौघडा , वंदन , काकडा आरती , अभिषेक - पूजा, सकाळी ११ वाजता आरती  व नैवैद्य, सायंकाळी ७ वाजता आरती व रात्री आरती होते . मंदिरात प्रकटदिन उत्सव , श्रीराम जन्मोस्तव , दिनांक २३ मे मंदिरात वर्धापन दिन , गुरुपौर्णिमा, श्रावण महिन्यात ग्रंथ वाचन , गुरुपौर्णिमा महर्षी पंचमी (श्री गजानन महाराज समाधी दिवस ) व रामोत्सव , श्री दत्त जयंती , इत्यादी  उत्सव साजरे केले जातात . त्याचप्रमाणे समाज प्रबोधनाचे काम संस्था करीत आहे .